Libro de Buen Amor: 092

De cómo Trotaconventos fabló con la mora de parte del arçipreste, e de la respuesta que le dio 092 Pág. 092 de 112 Libro de Buen Amor Arcipreste de Hita Por olvidar la coyta, tristesa, et pesar rogué a la mi vieja, que me quisiese casar: fabló con una mora, non la quiso escuchar; ella fiso buen seso, yo fis' mucho cantar. Dixo Trotaconventos a la mora por mí: «Ya amiga, ya amiga ¿quánto ha que non vos vi? non es quien ver vos pueda ¿cómo sodes ansí? Salúdavos amor nuevo». Dixo la mora: «Ysnedri.» «Fija, mucho vos saluda uno, que es de Alcalá, envíavos una çidra con aqueste albalá, el Criador es convusco, que d'esto tal mucho ha, tomaldo, fija señora.» Dixo la mora: «Le alá.» «Fija, si el Criador vos dé pas con salud, que non gelo desdeñedes, pues que más traer non pud', aducho bueno vos adugo, fabladme a laúd, non vaya de vos tan muda.» Dixo la mora: «Asaút.» Desque vido la...